Advertisment
 |
| (Abah Gaul/Abah Gejul) |
Nungtut elmu teh ngarupakeun hiji kawajiban pikeun urang sakabeh, zaman abah keur budak sababaraha tahun kalarung hayang sakola teh hese beleke. Boga kolot nu kahirupanana koreh-koreh cok, loba nu teu kabual nyakolakeun ka SLTP-SLTP acan.
Teu kitu kumaha disagigireun jauh ngajugjug ka sakola, kudu ngaluarkeun waragad lain saeutik, ti mimiti mere jajanna, pakean seragamna oge kudu ngaluarkeun duit keur mayar iuran sakola sagala. Nu jadi kolot nekad hayang nyakolakeun, hasil jual jaareun tatanen teh pake nyakolakeun abah jeung dulur sejenna. Ku modal nekad bisa jucung sakola, najan harita anak reuay oge. Sabenerna mah dulur-dulur rek diskolakeun kabeh, ngan kulantantaran teu purun sakola nu awewe mah ngadon ukur nepi ka SLTP. Ari abah mah hayang pisan sakola teh, mun kolot mampuh mah hayang nepi ka paguron luhur. Nya semet SLTA mah kolot teh nyanggupan.
Abah lulus ti sakola dasar teh ku kolot didaftarkeun sakola ka SLTP nu perenahna eta di wewengkon dayeuh Kacamatan, anggangna ti padumukan 9 kilometer. Isuk-isuk wanci subuh miang ka sakola jeung pada batur leumpang ngadaplak saban poe. Isuk kasorot ku panon poe harianeun beurang mani panas moreret. Awak barudak sakola jaman harita hideung lestreng bakat kapoe. Tapi ih sumanget we nu aya teh najan suku pegel balas leumpang ngajugjug sakola 9 kilometer, balik ka imah 9 kilometer jumlah 18 Kilometer.
Harita mah sakola teh kudu mayar disebutna dana POMG, terus SPP, kadieunakeun BP3 jeung loba deui istilah-istilah keur ngumpulkeun duit waragad pendidikan. Kolot jaman harita boro-boro jang nyakolakeun jang waragad dahar sapopoe ge sarwa walurat. Mending nganggon wae sujang…..ulah teuing sakola, kitu cenah cek kolot teh. Sanajan sarwa walurat abah sakola jucung nepi ka lulusna. Teu cukup nepi ka dinya, najan harita kolot ukur koreh koreh cok, ku modal nekad tea hayang ngajujurkeun budak belaan kuru cileuh kentel peujit cek babasan mah, abah disakolakeun ka lanjutan atas. Jelas waragad ngagedean, keur di SLTP mah waragad teh saeutik. Lantaran sakola lanjutan atas mah perenahna di dayeuh kota kabupaten, pikeun mondok teh sewa kamar alias indekos. Nu jadi kolot nenjo anakna sumanget diajar beuki reugreug leuwih sumanget neangan pangupa jiwa sabab keur nyakolakeun tea. Kolot abah harita kelu dahar karo uyah, coel sambel beledag. Ku sabarna nu jadi kolot Alhamdulillah lulus sakola kalayan meunang ijasah.
Kiwari jaman geus beda Pamarentah geus ngancokeun waragad pendidikan teh lumayan gede, sakola gratis ti SD nepi ka SLTP, malah SLTA. Cek abah mah euweuh alesan embung nungtut elmu nyiar pangabisa. Kurang kumaha Pamarentah mere lolongkrang pikeun sakola pikeun dialajar nungtut elmu. Tinggal urangna salaku rahayat nu kudu bisa ngamangfaatkeunana. Barudak ulah melid diajar, anggursi leuwih sumanget batan abah baheula nu sarwa walurat. Sakola teu jauh cara baheula ka SLTP teh kudu ka dayeuh kota kacamatan nu anggangna lumayan sarta kudu ngadaplak. Sakolah-sakola diadegkeun geusan mere kasempetan pikeun generasi ngora nungtut elmu. Malah barudak ayeuna mah diogo ku kolotna dipangmeulikeun motor meh lancar ka sakolana. Barudak ka sakola teh ayeuna mah henteu ngadaplak kawas jaman abah baheula.
Abah lulus ti sakola dasar teh ku kolot didaftarkeun sakola ka SLTP nu perenahna eta di wewengkon dayeuh Kacamatan, anggangna ti padumukan 9 kilometer. Isuk-isuk wanci subuh miang ka sakola jeung pada batur leumpang ngadaplak saban poe. Isuk kasorot ku panon poe harianeun beurang mani panas moreret. Awak barudak sakola jaman harita hideung lestreng bakat kapoe. Tapi ih sumanget we nu aya teh najan suku pegel balas leumpang ngajugjug sakola 9 kilometer, balik ka imah 9 kilometer jumlah 18 Kilometer.
Harita mah sakola teh kudu mayar disebutna dana POMG, terus SPP, kadieunakeun BP3 jeung loba deui istilah-istilah keur ngumpulkeun duit waragad pendidikan. Kolot jaman harita boro-boro jang nyakolakeun jang waragad dahar sapopoe ge sarwa walurat. Mending nganggon wae sujang…..ulah teuing sakola, kitu cenah cek kolot teh. Sanajan sarwa walurat abah sakola jucung nepi ka lulusna. Teu cukup nepi ka dinya, najan harita kolot ukur koreh koreh cok, ku modal nekad tea hayang ngajujurkeun budak belaan kuru cileuh kentel peujit cek babasan mah, abah disakolakeun ka lanjutan atas. Jelas waragad ngagedean, keur di SLTP mah waragad teh saeutik. Lantaran sakola lanjutan atas mah perenahna di dayeuh kota kabupaten, pikeun mondok teh sewa kamar alias indekos. Nu jadi kolot nenjo anakna sumanget diajar beuki reugreug leuwih sumanget neangan pangupa jiwa sabab keur nyakolakeun tea. Kolot abah harita kelu dahar karo uyah, coel sambel beledag. Ku sabarna nu jadi kolot Alhamdulillah lulus sakola kalayan meunang ijasah.
Kiwari jaman geus beda Pamarentah geus ngancokeun waragad pendidikan teh lumayan gede, sakola gratis ti SD nepi ka SLTP, malah SLTA. Cek abah mah euweuh alesan embung nungtut elmu nyiar pangabisa. Kurang kumaha Pamarentah mere lolongkrang pikeun sakola pikeun dialajar nungtut elmu. Tinggal urangna salaku rahayat nu kudu bisa ngamangfaatkeunana. Barudak ulah melid diajar, anggursi leuwih sumanget batan abah baheula nu sarwa walurat. Sakola teu jauh cara baheula ka SLTP teh kudu ka dayeuh kota kacamatan nu anggangna lumayan sarta kudu ngadaplak. Sakolah-sakola diadegkeun geusan mere kasempetan pikeun generasi ngora nungtut elmu. Malah barudak ayeuna mah diogo ku kolotna dipangmeulikeun motor meh lancar ka sakolana. Barudak ka sakola teh ayeuna mah henteu ngadaplak kawas jaman abah baheula.
Taktage ulah melid diajar, sing rajin soson -soson nungtut elmu ngarah naon nu dicita-citakeun tinekanan ! (Abah Gejul abah Gaul )
