Advertisment
Geus karasa ti Kiwari, kuayana heabna Pemilu lewat medsos boh lewat media loba nu nyaturkeun ngandung tema sual pesta demokrasi Pemilu tea. Abah nu hirup dilembur singkur padukuhan sok rada hemeng merhatikeun sawatara beja sual pulitik teh. Atuda bubuhan Abah mah jalma kurung batok ulukutek di sarakan nu jauh ka ditu kadieu. Sabab sapopoena ukur ngagolangkeun pacul jeung parang ngolah sawah jeung kebon ukur sacangkewok
Kiwari zaman geus robah mahabuna warta lain caritakeuneun deui. Boh tina Medsos boh tina media masa, sawatara beja anu temana pulitik digederkeun, balukarna anu hirup di kampung jadi kapangaruhan ku heabna eta beja. Ti mimiti budak olol leho tepi ka jalma kolot ku ayana globalisasi parahi nyaho warta nu aya dina eta media.
Kolot baheulah sok nyarita kieu, ulah sadenge dengena mun lain dengekeuneunana, ulah satenjo-tenjona lamun lain tenjoeunana, kiwari mah dirumpak eta panyaram teh. Ulah padu bae ari ngirimkeun anu can puguh bener henteuna, bisi tamiang meulit ka bitis. Muga-muga Pemilu 2024 lungsur langsar taya halangan-harungan nanaon. ( Abah Andy Gumilang )
