Advertisment
Sok inget waktu nu jadi kolot masih kumelendang keneh dialam dunya teu sirikna sajeroning ngabelaan hirup tepi ka tisusuk ti dungdung, hulu dijieun suku, suku dijeun hulu, ngebelaan anak incu bisi teu nyatu (barangdahar). Nu matak ari kakolot teh ulah rek ngalawan, tapi kudu tumut jeung taat salagi kolot urang nuyunkana jalan kahadean.
Inget keneh harita nu jadi kolot ngolah pahumaan anggana pakebonan teh aya kana sakilometerna. Kitu ge mani netek nanjak, bubuhan bakat ku butuh najan nanjak oge dilakonan. Pikeun tamba keueung lantaran patempatan nu anggang ka padumukan sok mawa Radio Transistor 2 Ban, bari macul radio ngicomang siaran anu dipikaresepna dongeng jeung lagu lagu Sunda. Harita mah siaran berita teh puguh jam genep isuk, jam tujuh jam tujuh peuting ti RRI pusat. Warta teh estu disusun rapih, puguh wae nambah pangaweuh tina eta warta teh. Di pakebonan tengah poe ereng-ereng ngagayuh ja lohor radio digantungkeun dina tatangkalan atuh puguh wae narengta sorana ka mana mana boh jama kolot boh Abah Harita keur budak jadi mikaresep Kana lalaguan sunda diantarana lagu Entog Mulang, Bangbung Hideung, Geboy, Rayak-rayak, Bardin, Kidung Buhun, Sagagang Kembang Ros juru kawihna nu beken zaman Harita Encih Mintarsih alias di Geureuleng, Lian ti eta Aya Oge nu katelah si Manyar, si Galatik, jeung rea rea deui. Estuning jadi kalangenan urang lembur ngadengekeun lalaguan kasebut. Dipahumaan saban poe dihibur ku lalaguan Sunda buhun. Najan Kitu kolot Abah tetep bari ngadengekeun lagu lagu ti radio Bandung bari ngagolangkeun pacul nganggeuskeun hanca garapan pihumaeun. Ari Nyoreang ka tukang Matak Waas. (Abah Andy Gumilang)
