Advertisment
Ku : Abah Andy Gumilang
Dahareun kueh tina bahan tipung tarigu saperti donat, bolu sarta dahareun lembur saperti awug,adas, papais, raginang, kalentong, opak beureum opak bodas, geus karuhan kupat mah diestokeun pisan kabeh ge jang lebaran. Imah diarecet, pulas warna nu ngejreng ngarah ketenjona alus tur endah waktu lebaran.
Wuaaaah.......pokona mah sagala-gala ge diancokeun jang bada atawa ajang lebaran.
Pantes kitu teana mah tuda rek daratang sanak famili kulawarga ti pangumbaraan ( Jakarta, Bandung jeung kota-kota sejenna ). Pikeun mapag tradisi mudik boh pamarentah tingkat desa, kabupaten atawa pusat teu cicingeun ngahadean jalan kendaraan nu dipalar arus mudik lungsur-langsar nepi ka lembur sarakan.
Wuaaaah.......pokona mah sagala-gala ge diancokeun jang bada atawa ajang lebaran.
Pantes kitu teana mah tuda rek daratang sanak famili kulawarga ti pangumbaraan ( Jakarta, Bandung jeung kota-kota sejenna ). Pikeun mapag tradisi mudik boh pamarentah tingkat desa, kabupaten atawa pusat teu cicingeun ngahadean jalan kendaraan nu dipalar arus mudik lungsur-langsar nepi ka lembur sarakan.
Daratang ti kota kalolobaanana marawa mobil sewang-sewangan, aya oge nu nyewa greph nu kana trevelan, malah barudak ngora mah kalemburna teh naraek motor alias roda dua.
Kendaraan nu di barawa ti kota biasana sok di simpen di alun-alun. Mani neep mobil plat B teh cirina loba nu daratang. Abah sok pangangguran pisaminggueun rek lebaran nongkrong di alun-alun desa mobil nu diparkir geus mimiti nu leter merk luar kota. Kadieuna beuki noyek ngajejer mobi-mobil aralus, teu sirikna alun-alun pinuh ku kendaraan roda opat. Reugreug ningali kaayaan saperti kitu teh lantaran tatamu ti saban madahab marudik silaturahmi ka lembur jeung sanak, babarayaan katut kulawargi di lembur.
Kendaraan nu di barawa ti kota biasana sok di simpen di alun-alun. Mani neep mobil plat B teh cirina loba nu daratang. Abah sok pangangguran pisaminggueun rek lebaran nongkrong di alun-alun desa mobil nu diparkir geus mimiti nu leter merk luar kota. Kadieuna beuki noyek ngajejer mobi-mobil aralus, teu sirikna alun-alun pinuh ku kendaraan roda opat. Reugreug ningali kaayaan saperti kitu teh lantaran tatamu ti saban madahab marudik silaturahmi ka lembur jeung sanak, babarayaan katut kulawargi di lembur.
Lebaran geus lekasan nu tinggal teh ukur wawarian atawa kakarenna. Dahareun nu disimpen dina meja masih aya keneh, sanajan diancokeun ti memehna jang lebaran ge diantep karep, wareg..... badaeun basana teh !
Abah sok pangangguran dua poe beres lebaran ka sisi walungan, na da eta mah sisi walungan pinuh ku runtah nu patulayah utamana plastik di cakaran ku sato anjing. Ieu Kitu nu disebut kakaren beres lebaran teh ? Runtah patulayah balukar padu wae miceunna, di pipir jalan kasimpangan, pipir walungan, atawa teu sadar langsung dipiceun ka walunganana.
Ka hareup tarekahna urang nyadiakeun tempat runtah dua iji anorganik jeung organik, sawadah runtah nu gampang buruk sawadah deui nu lila/hese burukna ( plastik jeung sabangsana ). Terus eta runtah dibeuleum saeutik saeutik, runtah beling ulah dialungkeun ka jarian, mending dikubur wae ngarah teu kapeak. Kakaren rengse lebaran lain runtah-runtah nu patulayah, tapi lingkungan nu raresik tur beresih. Cag Ah.....pikiraneun urang sarerea..!
(Saung Panineungan 24423)
